Тўсиқ ошиб ўтилди: эрталабгача Украинага қарши урушда Россия Федерациясининг йўқотишлари бир миллионга етиши мумкин, инша Аллоҳ.

Украинага қарши кенг кўламли урушда Россия оккупацион армиясининг йўқотишлари 12 июнь эрталабгача 1 миллион кишидан ошади, инша Аллоҳ.

Эртага, 12 июнь куни эрталаб, Украина Қуролли Кучлари Бош штаби ўз ҳисоботида Украинага қарши кенг кўламли урушда Россиянинг йўқотишлари яна бир муҳим психологик чегарадан — 1 миллион кишидан ошиши ҳақида ҳисобот беради.

Бунга "Быть Или" Telegram-канали эътибор қаратди.

Украина Қуролли Кучлари Бош штабининг 11 июнь эрталабки ҳисоботига кўра, Путин армиясининг умумий жанговар йўқотишлари 999 200 кишини ташкил этди. Бу рақамга ҳалок бўлган ва яраланган оккупантлар киради.

Урушнинг ҳозирги босқичида Россия Федерацияси Қуролли Кучларининг ҳар кунлик йўқотишлари тахминан 1000 кишини ташкил этади. Бу шуни англатадики, бир миллионлик чегара эртагаёқ ошиб ўтилади. Бу воқеанинг Россия кунида содир бўлиши рамзий маънога эга.

Украина Бош штабининг рақамлари умуман хорижий разведкалар, шунингдек мустақил таҳлилий институтларнинг баҳолари билан мос келади.

Масалан, Америка Стратегик ва халқаро тадқиқотлар маркази (CSIS) маълумотига кўра, 2025 йил июнь ҳолатига кўра Россия Федерациясининг умумий йўқотишлари тахминан 950 минг кишини ташкил этган, шундан 200000-250000 нафари йўқ қилинган рус оккупантларидир.

ВВС нашри Путиннинг "икки юзинчи" (ҳалок бўлган) аскарлари сонини 191-269 минг кишига баҳоламоқда.

"Рақам тез суръатларда бир миллионга яқинлашмоқда. 200-250 минг тобут — бу Путиннинг россияликларга Россия куни учун совғаси", — деди "Быть Или".

Абу Муслим тайёрлади