Футбол оламида Барселона (Барса) клуби яна чемпионликка эришганини тантана қилмоқда. Аммо, ҳақиқатан ҳам бу чемпионлик ҳақиқий маҳорат натижасими ёки омадли тасодифми?



Чемпионлик ортидаги ҳақиқат

Барса ўз мухлисларини яна бир бор чемпионлик билан хурсанд қилди. Лекин бу ютуқ ҳақиқий маҳорат ва тинимсиз меҳнат натижасими? Ёки бошқа омиллар ҳам борми? Барса чемпионлигининг ҳақиқий сабаблари ҳақида тўхталамиз.

1. Ла Лигадаги рақибларнинг заифлиги

Сўнгги мавсумларда Ла Лигадаги бошқа жамоаларнинг савияси тушиб кетгани сир эмас. Реал Мадриднинг мағлубиятлари, Атлетико Мадриднинг беқарорлиги ва бошқа клубларнинг маблағсизлиги Барсага осон чемпионлик йўлини очди. Демак, чемпионликкача бўлган йўлда ҳақиқий рақобат йўқ эди.

2. Тактикани қайта кўриб чиқиш зарурлиги

Барса ҳужумкор футбол ўйнаши билан танилган, аммо сўнгги мавсумда уларнинг ҳимоядаги камчиликлари кўзга ташланди. Жамоанинг тактик жиҳатдан тайёргарлиги муаммоли ва кўплаб ўйинларда бир нечта ғалат хатоларга йўл қўйди. Биринчи ўринни қўлга киритганига қарамай, уларнинг ҳимоясидаги заифлик барқарорликдан йироқ эканини кўрсатди.

3. Ҳужумдаги беқарорлик

Гарчанд жамоа бир неча муҳим ғалабаларга эришган бўлса-да, ҳужумдаги беқарорлик ҳам назардан четда қолмаслиги керак. Левандовскига ортиқча ишонч, Чемпионлик ўзига ишончли ва барқарор ҳужум стратегияси натижаси эмас.



Чемпионликнинг яширин сабаблари

4. Иқтисодий қийинчиликлар ва Барсанинг муаммолари

Барса молиявий инқироз сабабли кўплаб юлдуз ўйинчиларини сотишга мажбур бўлди. Лео Мессининг кетаётгани жамоани руҳий жиҳатдан ҳам қаттиқ зарбага учратган эди. Бу ҳолатда чемпионлик кутилмаган воқеа сифатида баҳоланади.

5. Тўпурарга боғлиқлик ва стратегик хатолар

Жамоанинг асосий мақсади Левандовскига боғлиқ бўлгани сабабли, рақиблар уни нейтраллаштириш билан Барсани муваффақиятсизликка учрата олди. Бир ўйинчига ортиқча боғланиш — муаммоли тактика.



Чемпионликни танқид қилишдан мақсад

Барселона мухлислари учун чемпионлик қувончли воқеа, лекин мураббий ва жамоа раҳбарияти бу ютуқни яққол маҳорат натижаси деб қабул қилмаслиги керак. Қуйидаги саволлар жамоа истиқболи учун муҳим:

•    Рақиблар кучсиз бўлган вақтда қўлга киритилган чемпионлик қанчалик ҳақиқий?

•    Ҳимоя ва ҳужумдаги муаммолар бартараф қилинмаса, Барса халқаро мусобақаларда рақобатбардош бўла оладими? Интернинг Барсани варварак қилиши нимадан дарак?

•    Янада кучли рақиблар билан дуч келганда бу чемпионлик стратегияси қандай натижа беради?



Барсани қандай келажак кутмоқда?

Чемпионлик — ҳар қандай жамоа учун муҳим ютуқ, аммо Барсага келсак, бу ғалаба кўпроқ рақиблар муваффақиятсизлигидан келиб чиққанга ўхшайди. Жамоа ўзини ҳақиқий рақобатчилар билан қандай кўрсатади — бу масала номаълум. Шундай экан, Барса мураббийи ва раҳбарияти чемпионликни янгича стратегия билан мустаҳкамлаши ва халқаро мусобақаларга тайёргарликни кучайтириши зарур.

Ҳақиқий муваффақият ўзини Европа майдонларида кўрсатгандагина тасдиқланади. Барса мухлислари ва футбол экспертлари эса жамоанинг келажаги ҳақида жиддий ўйлаши керак. Интердан варварк бўлиши бу тезисларни тасдиқлайди.

Футбол таҳлилчиси Абу Муслим